मुख्य समाचार

काठमान्डौ । हिमाली जिल्ला दोलखामा विद्युतीय गाडी संचालनमा आएको छ । अभयपुर यातायात कम्पनीले दुईवटा विद्युतीय गाडी संचालनमा ल्याएको हो । दोलखामा पहिलो पटक सार्बजनिक यातायातको रुपमा प्रयोग गर्न ल्याइएको हो । दोलखा देखि काठमान्डौसम्म संचालन गर्ने योजना पनि रहेको ब्यबसायी रबिन श्रेष्ठले बताउनुभयो । यो गाडी एक पटक फुल चार्ज गरे पछी २५० किलोमिटर गुड्ने र यो गाडीलाई घरको लाइनबाट साधारण तरिकाले चार्ज गर्दा ५ घण्टा लाग्ने भएकाले फास्ट चार्जिंड. स्टेसन भएमा सहज हुने बताउनुहुन्छ ।

काठमाडौं – प्रधानन्यायाधीश चोलेन्द्र शमशेर जबराले सर्वोच्च अदालतका न्यायाधीशहरूको पूर्ण बैठक (फुलकोर्ट) बोलाएका छन् । सर्वोच्च अदालतका न्यायाधीश तेजबहादुर केसीका अनुसार दिउँसो साढे एक बजेका लागि बैठकको समय तय भएको छ । बैठकमा गोला प्रथाद्वारा मुद्दा हेर्ने प्रयोजनका लागि आवश्यक पर्ने निर्देशिका पारित गर्ने कार्यसूचि छ । यसअघि प्रधानन्यायाधीश जबराले बोलाएको फुलकोर्ट बहिष्कार गरेर बसेका असन्तुष्ट १८ जना न्यायाधीश पनि सो बैठकमा सहभागी हुने भएका छन् । प्रधानन्यायाधीशले गोलाप्रथा लागु गर्नका लागि आवश्यक नियम संशोधन प्रयोजनका लागि बैठक बोलाएको  भन्दै उनीहरू बैठकमा उपस्थित हुन तयार भएका हुन् । नेपाल बारले भने जबराले राजीनामा नदिएसम्म इजलासमा बहस गर्न नजाने निर्णय गरिसकेको छ…