जुम्ला रारा जाने मूल बाटोमा पर्ने पटमारा गाउँमा पर्यापर्यटन प्रर्वद्धनका लागि सरसफाई अभियान सुरु भएको छ । जुम्ला विमानस्थल हुदै पटमारा खाली भएर पर्यटक रारा पुग्ने मार्गमा पर्ने पटमारा गाउँमा आजबाट पर्यापर्यटन प्रर्वद्धनका लागि सरसफाई अभियान सुरु गरिएको हातेमालो नेपाल जुम्लाका कार्यक्रम अधिकृत विकास भण्डारीले जानकारी दिए ।
पटमारा गाउँमा ६ जना महिलाको सक्रियतामा पटमारा सामुदायिक होमस्टे सञ्चालनमा ल्याइएको छ, जुम्ला खलंगा, खाली पाटन, भुलभुले हुदै रारा जाने पर्यटक होमस्टेमा बस्ने भएकोले स्वच्छ वातावरण कायम राख्न सरसफाई अभियान थालिएको हो ।
