काठमाडौँ — यो साता सुनको मूल्यमा कीर्तिमान कायम भएको छ । तोलामै सुन ११ हजार रुपैयाँले वृद्धि भएको नेपाल सुनचाँदी व्यवसायी महासंघले जनाएको छ । अमेरिकी डलर सूचकांक केही माथि जानु, भूराजनीतिक तनाव यथावत् रहनु, नयाँ वर्ष निकट रहनुलगायत विषयले अन्तर्राष्ट्रिय बजारमा सुनप्रति आकर्षण बढेपछि मूल्य पनि वृद्धि भएको जानकार बताउँछन् । आइतबार प्रतितोला सुनको मूल्य २ लाख ५८ हजार ३ सय रुपैयाँ थियो । बुधबार सुनको मूल्य बढेर प्रतितोला २ लाख ६८ हजार १ सय रुपैयाँ पुगे पनि बिहीबार घटेको थियो । बिहीबार प्रतितोला २ लाख ६७ हजार ५ सय रुपैयाँमा कारोबार भएको सुनको मूल्यले शुक्रबार फेरि नयाँ रेकर्ड कायम गरेको हो । शुक्रबार प्रतितोला…
