गत कात्तिक १७ गते गएको भूकम्पको केन्द्रविन्दु जाजरकोटको बारेकोट गाउँपालिका रामिडाँडास्थित विद्यालयलाई शैक्षिक सामग्री वितरण गरिएको छ । बारेकोट-१ बयला रामिडाँडाको भगवती आधारभूत विद्यालयका छात्रछात्राका लागि विभिन्न सामग्री प्रदान गरिएको हो । फेयरमेड फाउन्डेसन नेपाल र सर्वाङ्गिन विकास केन्द्र नेपालको सहयोग, जिल्ला विपत जोखिम न्यूनीकरण तथा व्यवस्थापन समिति जाजरकोटको समन्वय र बारेकोट गाउँपालिकाको व्यवस्थापनमा शैक्षिक सामग्री वितरण गरिएको हो । विद्यालयका शिशु कक्षादेखि कक्षा ८ सम्मका १ सय ८९ जना विद्यार्थीलाई शैक्षिक सामग्री प्रदान गरेको सर्वाङ्गिन विकास केन्द्र नेपालका कार्यकारी निर्देशक लिलामणि गौतमले बताए । प्रतिविद्यार्थी न्यानो ट्य्राक सुट, सुरूवाल, टिसर्ट, टोपी र झोला प्रदान गरिएको गौतमको भनाइ छ भूकम्पका कारण विद्यालयमा…
