बर्दिबास - लोक तथा दोहोरी गायक बेल बहादुर परियारको नयाँ दोहोरी गीत ‘फूल खसिगो, माया बसिगो’ को म्युजिक भिडियो मङ्गलबार बर्दिबासमा आयोजित विमोचन समारोहबीच सार्वजनिक गरिएको छ । राष्ट्रिय लोक तथा दोहोरी गीत प्रतिष्ठान नेपाल, महोत्तरीको आयोजनामा गौतम होटल, बर्दिबासमा सम्पन्न कार्यक्रममा मधेश प्रदेशकी पूर्व राज्य मन्त्री सारदा देवी थापा प्रमुख अतिथि तथा बर्दिबास नगरपालिकाका मेयर प्रह्लाद कुमार क्षेत्री विशिष्ट अतिथिका रूपमा सहभागी थिए । उनीहरूले संयुक्त रूपमा भिडियो विमोचन गरेका हुन् । गीतमा बेल बहादुर परियार र प्रतिमा अर्यालको स्वर, शब्द तथा संगीत परियारकै रहेको छ । एरेञ्ज, मिक्स तथा मास्टरिङ राजिव शाहले गरेका छन् । भिडियोमा सन्जिब ठकुरी…
