होटल संघ नेपाल (ज्ब्ल्) सुदूरपश्चिम प्रदेशको अध्यक्षमा प्रकाश भट्ट निर्विरोध निर्वाचित भएका छन् । नवनिर्वाचित अध्यक्ष भट्टले सुदूरपश्चिम प्रदेशको पर्यटन तथा होटल व्यवसायको विकास, प्रवद्र्धन र व्यवसायीको हकहितलाई प्राथमिकतामा राखेर काम गर्ने प्रतिबद्धता व्यक्त गरेका छन् । भट्टले सुदूरपश्चिमको पर्यटन तथा होटल व्यवसायको समृद्धिका लागि इमानदारी, पारदर्शिता र समन्वयका साथ समर्पित भएर काम गर्ने बताए । प्रदेशमा पर्यटनका प्रशस्त सम्भावना रहेकाले त्यसलाई व्यवहारमा रूपान्तरण गर्न सरकार, निजी क्षेत्र, पर्यटन व्यवसायी तथा स्थानीय समुदायबीच प्रभावकारी सहकार्य आवश्यक रहेको उनको भनाइ छ । प्राकृतिक, धार्मिक, सांस्कृतिक तथा साहसिक पर्यटनका दृष्टिले सुदूरपश्चिम महत्वपूर्ण सम्भावना बोकेको प्रदेश भए पनि पर्यटन पूर्वाधार, प्रचार–प्रसार तथा व्यवसायिक…
