काठमाडौँ । नेपाल कम्युनिष्ट पार्टी (एमाले) र नेपाली कम्युनिष्ट पार्टी (नेकपा) बीच प्रदेश सरकार गठन तथा सञ्चालनका लागि तीन बुँदे सहमति भएको छ । दुवै दलले प्रदेश सभामा देखिएको बजेट निर्माणको असमझदारी, बजेटविहीन अवस्था र अस्वस्थ राजनीतिक प्रतिस्पर्धाको अन्त्य गर्दै राजनीतिक स्थिरता, सुशासन, समृद्धि र प्रादेशिक विकासलाई तीव्र बनाउने उद्देश्यले सहमति गरेको बताएका छन् । सहमतिअनुसार दुवै दलले प्रदेश सभामा सहकार्य गर्दै संयुक्त सरकार गठन गर्नेछन् । कोशी, बागमती र लुम्बिनी प्रदेश सरकारको नेतृत्व एमालेले गर्नेछ भने कर्णाली र सुदूरपश्चिम प्रदेश सरकारको नेतृत्व नेकपाले गर्ने सहमति भएको छ । यस्तै, मधेश र गण्डकी प्रदेशमा सरकार गठनका विषयमा प्रदेश सभामा प्रतिनिधित्व…
सुर्खेत । कर्णाली प्रदेशका मुख्यमन्त्री यमलाल कँडेलले राजीनामा दिएका छन् । मुख्यमन्त्री कँडेलले प्रदेश सभामा सम्बोधन गर्दै प्रमुख दल नेपाली काँग्रेस र नेपाली कम्युनिष्ट पार्टी (नेकपा) ले आफुविरुद्ध अविश्वास प्रस्ताव ल्याएको भन्दै आफुले राजीनामा दिने घोषणा गरेका थिए । मुख्यमन्त्रीले राजीनामाको घोषणा गरेपछि अविश्वासको प्रस्ताव अगाडी बढाउन आवश्यक नभएको भन्दै प्रदेश सभा बैठक स्थगित भएको छ । यसअघि नेपाली काँग्रेस र नेकपाले मुख्यमन्त्री कंडेलविरुद्ध अविश्वासको प्रस्ताव दर्ता गरेका थिए । कांग्रेस र नेकपा मिलेर गत बिहीबार दर्ता गरेको अविश्वासको प्रस्तावमा मुख्यमन्त्रीमा कांग्रेस संसदीय दलका नेता जीवनबहादुर शाहीलाई प्रस्ताव गरिएको छ । ४० सदस्यीय प्रदेश सभामा काँग्रेस र नेकपाका १४-१४ सांसद…
काठमाडौँ । सामाजिक सञ्जाल कम्पनी मेटाले कृत्रिम बुद्धिमत्तामा आधारित आफ्नो संवाद प्रणाली प्रयोग गर्ने किशोरको सुरक्षालाई प्राथमिकता दिँदै नयाँ सुरक्षा सुविधा सार्वजनिक गरेको छ । अब कुनै किशोरले मेटाको कृत्रिम बुद्धिमत्ता प्रणालीसँग कुरा गर्ने क्रममा आत्महत्या वा आफूलाई हानि पुर्याउने संकेत गरेमा त्यसबारे अभिभावकलाई तुरुन्त जानकारी गराइनेछ । मेटाका अनुसार यदि कुनै किशोरले कृत्रिम बुद्धिमत्तासँगको संवादमा आत्महत्या वा आत्महानिसम्बन्धी कुरा उल्लेख गर्छ भने प्रणालीले त्यस संवादलाई तत्काल जोखिमयुक्त भनेर चिन्ह लगाउनेछ । त्यसपछि मेटाको विशेष टोलीले उक्त संवादको प्रत्यक्ष समीक्षा गर्नेछ । टोलीले किशोर वास्तविक जोखिममा रहेको निष्कर्ष निकालेमा ढिलाइ नगरी अभिभावकलाई सूचना पठाइनेछ। यसको उद्देश्य परिवारलाई समयमै सचेत गराई आवश्यक…
काठमाडौँ । अस्ट्रेलियाको राष्ट्रिय वायुसेवा कम्पनी क्वान्टासले आफ्नो महत्वाकांक्षी ‘प्रोजेक्ट सनराइज’ अन्तर्गत पहिलो परीक्षण उडान सफलतापूर्वक सम्पन्न गरेको छ । फ्रान्सको टुलुजबाट उडेको विमान १९ घण्टा १३ मिनेटको निरन्तर उडानपछि शुक्रबार बिहान अस्ट्रेलियाको मेलबर्नमा अवतरण गर्दै नयाँ इतिहास रचेको हो । यो उडानमा विमानले करिब १७ हजार किलोमिटर दूरी पार गरेको क्वान्टासले जनाएको छ । परीक्षण उडानको मुख्य उद्देश्य विमानमा जडान गरिएको विशेष इन्धन प्रणालीको परीक्षण गर्नु थियो । उडानमा एयरबसका चार जना चालक र पाँच जना परीक्षण इन्जिनियर सहभागी थिए । यो विमानमा सामान्य ए–३५०–१००० मोडेलमा नहुने २० हजार लिटर क्षमताको अतिरिक्त इन्धन ट्याङ्की जडान गरिएको छ । यही…
काठमाडौँ । आषाढ शुक्ल एकादशीका दिन आज नेपालीले घर घरमा तुलसीको बिरुवा रोप्दैछन् । ज्येष्ठ शुक्ल एकादशीका दिन घरघरमा राखिएको तुलसीको दलको बिरुवा आज घरघरमा रोपिन्छ । आजदेखि भगवान् विष्णु क्षीरसागरमा सुत्ने धार्मिक विश्वासका आधारमा आजको एकादशीलाई हरिशयनी एकादशी पनि भनिन्छ । तुलसीलाई भगवान् विष्णुको स्वरुपका रूपमा लिइन्छ । प्रत्येक हिन्दू समुदायका घर आँगन तथा मठमा रोपिने तुलसीको विरुवालाई आगामी चार महिनासम्म नित्यपूजा गरी हरिबोधनी एकादशीका दिन साङ्गेगर्ने शास्त्रीय परम्परा रहेको छ । हरिबोधनी एकादशीका दिन भगवान् विष्णु जाग्नु हुने शास्त्रीय मान्यता छ । वैज्ञानिक रुपमा पनि तुलसीबाट धेरै अक्सिजन पाइने तथ्य प्रमाणित भएको छ । तुलसीलाई आयुर्वेदिक दृष्टिले औषधिका…
